منتدى شباب كفر الشيخ منتدى شامل لكل جوانب المعرفة وكل أنواع الهوايات النافعة وبما لا يتعارض مع الشرع الإسلامى الحنيف


    ............ فى الشارع !!!!!!...........

    شاطر
    avatar
    RODY
    مشرفة منتدى العجائب والغرائب والمعلومات العامة
    مشرفة منتدى العجائب والغرائب والمعلومات العامة

    انثى عدد الرسائل : 124
    العمر : 27
    البلد : دسوق
    الوظيفة : طالبه جامعيه
    تاريخ التسجيل : 19/12/2007

    ............ فى الشارع !!!!!!...........

    مُساهمة من طرف RODY في الجمعة 18 يناير 2008 - 19:23

    النهارده قلت اكتب فى الشارع...........
    هتقولوا ازاي.......اقوللكم


    وانا
    قاعد ه كدة مع نفسي اكتشفت ان انا سريعه الاستفزاز قوي....واني لو فضلت
    اُستفز بنفس المعدل دة انا ممكن يجيلي جلطة في خلال سنتين من دلوقتي.
    قعدت برضة كدة و قلت طيب انا ايه اللي بيستفزني في الشارع؟!!!!وهل الحاجات
    اللي بتنقطني دي تستحق كدة؟ ولا انا اللي محبكاها شويتين؟!!!!
    قلت افضفض وافك عن نفسي لعل وعسى حد يرد عليا ويقول لي انتى
    غلطااااانه....دي حاجات بسيطة او حد تاني ييجي يقول: والله يابنتي انت
    معاك حق دي حاجة تنقط
    لما تبقى ماشيه في الشارع ومعاكى والدتك او اخوكى او والدك او حتى مش
    معاكى حد بس في شباب ماشية في الشارع جنبك وتلاقي اتنين شباب او اكتر
    بيشتموا بعض بالأم وياريت كدة بس دة بألفاظ اقسى انواع القذارة.
    ياترى بيكون شعورك ايه؟ على فكرة الشتيمة دي بتختلف تماما لما بتسمعيها في
    مكان مفيهوش شباب او اهل بس وجودهم في مكان بيتسمع فيه شتايم بالمستوى دة
    بتكون محرجة جدا.
    لما تنزلى تركبى عربيتك وانتى متأخره كدة او وراك ميعاد مهم جدا وتفاجأى
    بحد لطيف خفيف كدة قافل بعربيته على عربية سيادتك لا وكمان سيادته شادد
    فرامل اليد بتاعة عربيته وولا في دماغ جنابه ان في بني أدمين من حقهم
    يروحوا شغلهم او يقضوا مشاويرهم
    قمة النرفزة بقى بتكون لما يجيلك وعلى وشه ابتسامة صفرا كدة وولا يعبرك وكأن مفيش حاجة حصلت اساسا.
    لما تروحى اي مول تجاري او مصلحة حكومية او اي مكان في اي شارع في مصر
    وتركنى عربيتك وتفاجأى كدة من حيث لا تدري بشخص عجيب كدة واقف جنب عربيتك
    وبيقوللك وعلى وشه ابتسامة جميلة: 2 جنيه يا انسه

    هو مااكتفاش انه بيطلب فلوس انت شخصيا مش عارف مقابل ايه!!!!!!لا وكمان حدد قيمة الفلوس دي ب 2 جنيه.........منتهى الثقة
    لما تلاقي الشارع واقف لأن فيه ميكروباص واقف بينزل ركاب او بيحمل ركاب في
    نص الشارع بالضبط ووراه ييجي 10 عربيات كلها قالبة الدنيا وتلاقيه منتهى
    الثقة والثبات وكأنه ماشي بمبدأ "القافلة تسير والكلاب تعوي"......وممكن
    كمان تتنقط اكتر لما تلاقي امين شرطة او عسكري واقف على بعد امتار منه
    ولكنه مش شايف او الأصح انه عامل مش شايف.
    لما تلاقي كل محل حاطط طوبتين كبار كدة حلوين قدام المحل بتاعه علشان محدش
    يقف بعربيته قدام المحل....لأن دة من وجهة نظر صاحب المحل تقريبا هيسد
    ابواب الرزق.....وعلى الرغم من ان في حاجة في مصر اسمها (شرطة المرافق)
    الا ان واضح انهم مش واخدين بالهم من الموضوع دة على اساس انهم مابيبصوش
    للهيافات دي
    لما تلاقي شلة شباب ماشية مجموعة وعمالين يجعروا في الشارع ويغنوا باصوات اقرب الى الصراخ....انا مش عارفه دي طاقات مكبوتة ولا ايه؟
    لما تلاقي بنات ماشين في الشارع لابسة من غير هدوم ومنتهى المياعة
    والخلاعة بس لو حد جة يتكلم معاها يا معلم بتلاقيها تقمصت شخصية خضرة
    الشريفة وبتحسس الولد اللي جه يكلمها انه بيكلم قديسة على الرغم ان لبسها
    مايدلش على كدة ابدا.....مش فعلا حاجه تتنقط
    وبالمناسبة الموقف دة بيفكرني ببعض ممثلاتنا الجميلات اللي لما حد بيسألهم
    على ادوار الاغراء اللي بيقدموها....بتلاقي الاجابة الأكلشيه المحفوظة عن
    ظهر قلب واللي اعتقد ان الصحفي هو اللي بيكتبها لهم بالنيابة عنهم:
    "انا برحب بادوار الاغراء الموظفة في السيناريو واللي لها ضرورة درامية بمعنى اني مش معقول هظهر ع البحر الا بالمايوه"
    على الرغم ان مش كل اللي بيقعدوا ع البحر بيكونوا لابسين مايوهات بس هم ردهم بيكون كدة......بالذمة مش حاجة تنقط
    لما تلاقي الشرطة سايبة البانجو بيتباع في اماكن هم عارفينها كويس ومع ذلك
    مابيظبطوهاش وتلاقي حملة امنية في ارقى شوارع المدن و1/2 الشباب اللي في
    الشارع دة ملمومة في البوكس.......حاجة تنقط
    لما تلاقي بعض الطرق في مصر اللي المفروض انها سفر وبتربط بين محافظتين
    وتلاقي اقصى سرعة للسيارات الملاكي 60 كم في الساعة (اجزاء من طريق
    القاهرة الاسكندرية الزراعي) معقول في القرن ال 21 والتطور الرهيب في
    السيارات والطرق في العالم كله واحنا لسة بنمشي على 60......مش حاجة تفرس
    لما تلاقي الجرايد مرطرطة عند بياع الجرايد مش لاقية حد يشتريها في نفس
    الوقت اللي تلاقي محلات الفول والطعمية عامرة بالناس ومش ملاحقة ع الطلبات

    يبقى في حاجة غلط في الشعب دة
    ولسة كتير قوي والله......دة شارعنا المصري
    ملياااااااااااااااااااااااااااااااااااان مفارقات ومضحكات ومبكيات بس
    الظاهر ان انا كبس عليا النوم
    بس ان شاء الله لينا اجزاء تانية وياريت اللي عنده عوامل ومسببات جلطات زي
    اللي مكتوبة فوق دي يقولها واهو نحط همنا على هم بعض ويمكن تكونوا شايفين
    حاجات تفرس وتنقط انا مش واخده بالي منها......فنشجع بعض

    رحمتك يارب
    avatar
    TEMA
    مشرف ساحة الحوار الحر
    مشرف ساحة الحوار الحر

    ذكر عدد الرسائل : 178
    العمر : 31
    البلد : كفر الشيخ
    الوظيفة : المزاج العالي
    علم دولتك :
    تاريخ التسجيل : 22/12/2007

    رد: ............ فى الشارع !!!!!!...........

    مُساهمة من طرف TEMA في الجمعة 18 يناير 2008 - 20:17

    تسلم ايدك بجد ونايس موضوع




    انا بقى حصل معايا حاجة من الا انتى قولتيها دى بس انا اتصرفت تصرف تانى








    بصى بقى انا فى يوم كنت راكن العربية بتعتى وبعدين جيت لقيت واحد موقف عربيتة قدمها وشادد فرامل اليد انا بقى قعد اطلع فى العربية بتعتى قدام وورا لحد ما خرجتها بس حصل حا جات كتير ان انا خبطة عربيتة وجرحتهالة وكمان جرحت عربيتى بس مش مهم لان انات الا عامل كدة بمزاجى وانا قاصدها علشان ميفكرش انة يعملها تانى مع اى حد وحتى لو فكر يوقف عربيتة يبقى يوقفها فى شارع فاضى

    بالنسبة بقى للناس الا فى الباركينج بتاع المولات انا عن نفسى لو لقيت واحد جى يقولى كدة للاسف بدفعلة بس بدفعلة غصب عنى Crying or Very sad

    بس مش مهم

    انا بقى حصل معايا موقف فى البنزينة
    لقيت واحد داخل البنزينة عندى وهو بصراحة شاب لذيذ بجد يعنى مش عارف اقول اكتر من لذيذ
    المهم لقيتة داخل على مكان التموين
    وبيقول للراجل الا واقف على الطلمبات بتاعة البنزين


    بيقولة : حطلى 30 لتر بنزين 50
    هههههههههههههههه
    انا بقى عايز اعرف دة كان بيستظرف ولا هو فعلا مش عارف انواع البنزين
    بس انا اتمنى انة يكون بيستظرف علشان دى فعلا حاجة فى الشعب المصرى


    فى بردو حا جة تانية حصلت
    كنت فى يوم بتجول فى شارع من شوارع القاهرة وهو شارع الهرم وطبعا الناس كلها عارفة شارع الهرم
    ههههههههههههههههههههههههههههه
    كنت ماشي فلقيت واحد لبس واكنها مش لبسة
    يعنى لبسة محزق وملزق بصراحة انا قعد ابص عليها مش هضحك عليكوا واقولك م انا مبصتش وبعدين لقيت واحد ماشى وراها بيعاكسها وبيقولها طبعا كلام معسول
    المهم لقيتها بصتلة بكل جراءة وقلتلة ا نت ملكش اخوات بنات
    ههههههههههههههههههههههههههههههههههههه
    هيا تقريبا معندهاش اخوات شباب
    هههههههههههههههههههههههههههههههههه

    المهم لقيتهم شدو مع بعض فى الكلام فا انا وقفت اتفرج عليهم وقاعد اضحك
    وبعد كدة الشرطة وهيا ماشية فى الشارع وقفت واول ما نزل الظابط من البوكس سئل الانسة المحترمة قلها فى اية يا انسة قلتلة الاخ بيعكسنى
    طبعا لقيت الاخ اتمسك فى الحال وركب البوكس من غير حتى ما الظابط يسمع منة
    وطبعا انتم عارفين الباقى
    affraid


    اسيبكم بقى دلوقتى علشان فى حاجات تانية وهبقى اقولكم عليها
    avatar
    s_k_mg
    إدارة المنتدى
    إدارة المنتدى

    ذكر عدد الرسائل : 3300
    العمر : 49
    البلد : كفر الشيخ (( أم الدنيا ))
    الوظيفة : Math. Teacher
    تاريخ التسجيل : 02/06/2007

    رد: ............ فى الشارع !!!!!!...........

    مُساهمة من طرف s_k_mg في السبت 19 يناير 2008 - 10:52

    والله يا اختى الفاضلة إنتى فتحتى موضوع مش هيتقفل لأن كل واحد فينا

    إتعرض لموقف من اللى انتى قولتيه

    ولكن انا هقولك قول مجمل عن الموضوع

    وهو كل انسان على ما تربى عليه

    فقد تجدى من الناس من لن يستغرب هذه التصرفات

    ومنهم من سيجد ذلك خطأ

    ومنهم من لن يعنيه شيئا مما تقوليه

    ولكن فى النهاية كل سيتصرف على ما تربى عليه

    وجزاكى الله خيرا على هذا الطرح الرائع


    lol! lol! lol!


    _________________



    avatar
    RODY
    مشرفة منتدى العجائب والغرائب والمعلومات العامة
    مشرفة منتدى العجائب والغرائب والمعلومات العامة

    انثى عدد الرسائل : 124
    العمر : 27
    البلد : دسوق
    الوظيفة : طالبه جامعيه
    تاريخ التسجيل : 19/12/2007

    رد: ............ فى الشارع !!!!!!...........

    مُساهمة من طرف RODY في السبت 9 فبراير 2008 - 11:55

    ميرسى ياجماعه على ردودكم ومتابعتكم
    وفعلا حياة الناس مش بتخلى من المواقف المختلفه
    بس الله ينور ياتيما
    ههههههههه
    avatar
    TEMA
    مشرف ساحة الحوار الحر
    مشرف ساحة الحوار الحر

    ذكر عدد الرسائل : 178
    العمر : 31
    البلد : كفر الشيخ
    الوظيفة : المزاج العالي
    علم دولتك :
    تاريخ التسجيل : 22/12/2007

    رد: ............ فى الشارع !!!!!!...........

    مُساهمة من طرف TEMA في الإثنين 11 فبراير 2008 - 8:46

    الله ينور عليكى انتى يا باشا
    وعايزين المزيد فى عالم الشوراع
    هل من مزيد
    ؟؟؟؟؟؟؟؟.

    ميار

    انثى عدد الرسائل : 41
    العمر : 29
    البلد : مطوبس
    الوظيفة : طالبه
    علم دولتك :
    تاريخ التسجيل : 16/06/2008

    رد: ............ فى الشارع !!!!!!...........

    مُساهمة من طرف ميار في الخميس 16 أكتوبر 2008 - 10:21

    بجد يارودى موضوعك تحفه ومتميزوفعلا كل اللى انتى عرضيته موجود وكمان اكتر من كدهوكتير اتعرضت للمواقف دى لكن ما فيش حاجه فى ايدى اعملها غير انى بمشى ولا كانى شايفه حاجه
    اكيد انا طبعا بتنرفز وكمان بتنقط بس هعمل ايه وياسلام بقه لو انتى ماشيه مع مامتك وقابلك شويه شباب وما همهومش ان انتى معاكى مامتك وعاكسوكى اكيد هتبقى اخر احراج
    وياسلام بقه لو كان اخوكى هو اللى معاكى والمشاكل اللى هتحصل بعد كده من خناقه وضرب
    وحاجات كتيررررررررررررررر
    يسلموووووووووووووووووووووووووووووووووورودى على الموضوع
    وانا فى انتظار جديدك

      الوقت/التاريخ الآن هو الإثنين 23 أبريل 2018 - 0:02